Berisha ka folur për mungesën e ujit të pijshëm, problemet me kufijtë kadastral, ajrin e ndotur si dhe projektet që pritet të përfundohen.

Derisa banorët fshatit Bardhi i Madh nuk kanë ujë të pijshëm, ata ende bartin ujë me bidona, i pari i Fushë Kosovës thotë se problemi i tyre do të zgjidhet kur të vendoset gypi kryesorë prej fabrikës së ujit në Shkabaj.

Edhe Fushë Kosova është ndër komunat më ajrin e ndotur pasi që termocentralet dhe mihjet sipërfaqësorë të qymyrit të Obiliqit janë afër, kjo komunë ende nuk ka ndonjë projekt konkret për zgjidhjen e këtij problemi.

Kreu i Fushë Kosovës gjatë kësaj interviste ka folur edhe për kërkesën e tij për ndryshimin e kufijve kadastral mes kësaj komune dhe asaj të Garaçanicës. Për të cilën thotë se është çështje e nivelit qendrorë që të merret me zgjidhjen e këtij problemi.

Por derisa ky problem pritet të zgjidhet, kufijtë kadastral mes Prishtinës dhe Fushë Kosovë tash e sa vite janë të pazgjidhur.

E për këtë Berisha ka thënë se kjo çështje është shumë e ndërlikuar dhe nuk është lehtë për tu zgjidhur.

Intervista e plotë:

• Keni kërkuar ndryshimin e kufijve kadastral në mes të Komunës së Fushë Kosovës dhe Komunës së Graçanicës. Deri ku ka shkuar ky proces?

Berisha: Kanë përfunduar të gjitha procedurat sa i përket kuvendit komunal të Fushë Kosovës. Është çështje e nivelit qendror që të merret me zgjidhjen e këtij problemi.

• Në fshatin Grabovc objekti i ambulancës është përfunduar që pothuajse 10 vjet, por asnjëherë deri më tani nuk ka qenë funksional. Çfarë po ndodh me të?

Berisha: Ambulanta në fshatin Grabovc nuk funksionon sepse nuk ka staf të mjaftueshëm, pra nuk ka mjek dhe infermier apo teknik.

• Keni premtuar ndërtimin e dy çerdheve publike në Fushë Kosovë, pse nuk janë përfunduar?

Berisha: Është duke u punuar në këtë drejtim.

• Është përmendur edhe finalizimi i lidhjes së qytetit me fabrikën e ujit në Shkabaj dhe furnizim 24 orë me ujë. Çfarë ka ndodhur?

Berisha: KUR “PRISHTINA” e ka tenderuar dhe projekti është në fazën e realizimit. Pritet që shumë shpejt të përfundohet dhe qytetarët e Fushë Kosovës të kenë furnizim të rregullt me ujë të pijshëm.

• Meqenëse është krijuar hapësira për tregun në një vend tjetër, pse po lejohet që tregu të zhvillohet afër rrugës kryesore. Nga ky treg po krijohen edhe kolona të gjata e pengesa në komunikacion. Si do të veprohet në ketë rast?

Berisha: Tregu funksionon shumë mirë, është njëri nga tregjet më të mëdha në Kosovë. Ne e kemi vlerësua se ky treg  nuk paraqet asnjë pengesë në komunikacion. Tregu do të vazhdoi të funksionoj në të njëjtin vend.

• Keni premtuar zgjerimi i kanalizimit dhe ujësjellësit në fshatrat Bardh i Madh, Pomozotin, Harilaq, Bardh i Vogël, Henc, Vragoli, Miradi e Poshtme, Miradi e Epërme, Lismir, Sllatinë e Madhe dhe Sllatinë e Vogël. Pse nuk është zgjedhur ende?

Berisha: Të gjitha kërkesat e banorëve të fshatrave të lartcekura për zgjerim të kanalizimit dhe ujësjellësit janë të përfunduara.

• Banorët fshatit Bardhi i Madh nuk kanë ujë të pijshëm, ata ende bartin ujë me bidona. Edhe për sa kohe do të bartin ujë më bidona këta banorë?
•  Pse Fushë Kosovës ende nuk ka shesh?

Berisha: Fushë Kosova do ta ketë sheshin.

• Qytetarët nuk janë të lirë të lëvizin në trotuare për shkak të veturave, e sidomos në rrugën “Dardania”, e keni përmendur projektin për trafikun. A keni gati këtë projekt?

Berisha: Projekti për trafikun është në fazën e shpalljes. Kuvendi i komunës ka marrë vendim. Është projekt bukur i ndërlikuar por që do të zgjidhë shumë probleme në qytet.

• Edhe Fushë Kosova është ndër komunat më ajrin e ndotur pasi që termocentralet dhe mihjet sipërfaqësorë të qymyrit të Obiliqit janë afër? A ka projekte për përmirësimin e gjendjes së ajrit?

Berisha: Sa i përket problemit me ndotjen e ajrit ne nuk kemi ndonjë zgjidhje apo projekt konkret që do të zgjidhë këtë problem.

• A keni zgjedhur problemin me kufijtë Kadastral me Komunën e Prishtinës, nëse jo, pse?

Berisha: Problemi me kufijtë kadastral është shumë i ndërlikuar dhe nuk është lehtë për tu zgjidhur.

• Cilat janë problemet që paraqiten nga moszgjidhja e problemit të kufijve Kadastral me Prishtinën?

Berisha: Nuk ka probleme tipike rreth kësaj çështje.